Барикади, легитимирање, дозвола, па пристап. Вака изгледа годинешното одбележување на 120 години од смртта на Гоце Делчев. Пристап до гробот во црквата „Свети Спас“ во Скопје имаа делегациите што беа најавени, новинарите што беа акредитирани и граѓаните што можеа да поминат еден по еден – по претходен редослед од полицијата. Годинава, настанот беше третиран со голем ризик поради можни ескалации.
Речиси 30 полицајци беа распоредени на првите барикади. Педесетина метри подолу имаше нови барикади, со други полицајци. Имаше и службеници во цивилна облека. Слично како овој пат се славеше годишнината од раѓањето на Делчев.
Службениците беа распоредени уште во текот на вчерашната вечер за да спречат евентуални инциденти при славењето.
