Четири лица се повредени во сообраќајна несреќа која се случи близу Тиквешко Езеро. Според првичните информации од МВР, се судриле два автомобили. Меѓу повредените има и малолетно дете.
Со возило на Брза помош, повредените се однесени во болница. Според првичните информации кои се неофицијални, две лица се на возраст од околу 30 години и едно има околу 50-години. Дел од нив имаат и потешки повреди.
Увидна екипа од МВР е на терен за да утврди како се случила сообраќајката.
