Претседателот на Украина, Володимир Зеленски, во своето обраќање на „Твитер“, порача дека Украина ќе добие нова воена помош од неколку земји. Преку видео порака, Зеленски најави воена помош од Канада, Германија, Франција, Данска, Естонија.
„Поточно, станува збор за муниција, тенкови и артилерија“, додаде тој.
Зеленски нагласи дека Шведска донела многу важна одлука за што му се заблагодарил на Стокхолм. Тој се заблагодари и на Словачка за нејзината одлука да испрати борбени авиони МиГ-29 во Украина.
„Украинската армија продолжува да биде „силно помогната“ од Полска, Литванија, ОК, ЕУ, САД и многу други“, додаде тој.
