Очигледно е заложништвото на СДСМ од страна на ДУИ, и т.н „европска коалиција“ брои смешна бројка од 65 пратеници откако неколку пати се делигитимираше претставничкиот мандат преку разни прекројувања, реагираат од Левица.
Сите овие нелегитимни пируети, како што истакна на собраниска говорница пратеникот од оваа партија, Борислав Крмов, се со цел да се купи ограничено време за владеење и удоволување на ненаситните апетити на ДУИ, СДСМ и нивните коалициони партнери.
„Република Македонија никогаш не била подалеку од ЕУ и тоа го забележуваат бројни експерти. Директорката на Институтот за европска политика предупреди за опасностите од влегувањето на Бугарите во Уставот на РМ, и дека преку конвенции за правата на конститутивни народи ќе се отворат дополнителни можности за Софија да вложува вето на нашата интеграција“, вели тој.
Според него, сите негативни квалификации кон Левица кои доаѓаат од СДСМ се класична проекција на маните и грешките кои оваа Влада ги прави, „затоа за СДСМ која е во заложништво на ДУИ и мора да им ги извршува валканите работи бројот на пратеници е ирелевантен – СДСМ, партијата во изумирање, во секој поглед ќе не доведе во државна криза за да опстојат бизнис и криминалните интереси на раководството“, истакнува пратеникот.
