Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и во Пехчево, одржувана од Сеизмолошката опсерваторија при Природно-математичкиот факултет во Скопје, денес, 24.2.2023 година, регистрира земјотрес на 109 км југозападно од Скопје, кој потекнува од епицентралното подрачје Пештани – Охрид – Струга.
„Според досегашните податоци со кои располага опсерваторијата, земјотресот се случи во 12.19 часот со Рихтерова локална магнитуда ML2.3 и интензитет од III степени според Европската макросеизмичка скала, а беше почувствуван од населението во Струга и околината“, информираа од Сеизмолошката опсерваторија при ПМФ Скопје.
