Македонскиот фудбалски репрезентативец Бојан Миовски би можел од следната сезона да се пресели во Серија А и да го облече дресот на италијанскиот калчолигаш Лацио.
Тој има одлична сезона во Абердин, меѓу првите стрелци е во првенството на Шкотска, а тоа ги привлече големите европски клубови.
Како што тврди „Калчомеркато“, Лацио е подготвен да плати 2,5 милиони евра и да го доведе македонскиот напаѓач во Рим по завршувањето на оваа сезона. Спортскиот директор Игли Таре веќе ги има отпочнато преговорите со раководството на Абердин.
Покрај Лацио, за Миовски постои интерес и од два англиски клуба.
