Министерот за надворешни работи Бујар Османи ќе учествува на 29. состанок на Министерскиот совет на ОБСЕ, што оваа година се одржува во Лоѓ, Полска, на 1 и 2 декември 2022 година.
На состанокот, во организација на Полското претседавање со ОБСЕ, ќе земат учество голем број министри за надворешни работи и високи претставници на земји учеснички на ОБСЕ.
За време на настанот, министерот Османи ќе има серија обраќања на теми од интерес на Организацијата, а во контекст на геополитичката криза предизвикана со агресијата на Руската Федерација врз Украина.
Османи ќе се обрати пред министрите за надворешни работи на 1 декември, додека согласно агендата и воспоставената пракса, наредниот ден ќе ја води третата пленарна сесија на состанокот, во капацитет на иден претседавач со ОБСЕ.
На маргините на состанокот, Османи ќе оствари низа билатерални средби и разговори.
