Кошаркарите на ЛА Лејкерс забележаа нов пораз. „Езерџиите“ загубија од Кливленд со 100:114. Лејкерси со скор 2-8 се претпоследни на Западот, додека Кливленд по осмата победа во низа, со скор 8-1 се втори на Истокот.
Лејкерси добро го отворија натпреварот, предводени од Расел Вестбрук ја добија првата четвртина, ја одржуваа предноста и во вториот период, но не успеаја да го задржат ритамот и во второто полувреме.
Кливленд го предводеше Донован Мичел со 33 поени, пет скока и две асистенции. Дариус Гарланд додаде 24 поени, седум асистенции и четири скока, додека Џерет Ален имаше дабл-дабл со 16 поени и 11 скока.
На спротивната страна се истакнаа Леброн Џејмс со 27 поени, седум скока и четири асистенции, Ентони Дејвис покрај 19 поени имаше и 12 скока, ист број на поени со 10 асистенции имаше Расел Вестбрук.
Резултати:
Мемфис-Вашингтон 103:97
Торонто-Чикаго 113:104
Јута-ЛА Клиперс 110:102
