Унгарскиот премиер Виктор Орбан денеска изјави дека санкциите на Брисел против Москва не ги исполниле очекувањата и дека Европа паднала во дупката што ја ископала за Русија.
„Санкциите не функционираа како што очекуваше Брисел кога беа воведени. Дојдовме до план да им ископаме дупка на Русите, а потоа паднавме во неа“, рече Орбан, пренесува ТАСС.
Во интервју за унгарското радио Кошут, Орбан изјави дека на последниот самит на ЕУ се зголемиле тензиите меѓу земјите-членки, но и дека сè погласни се барањата за мирно решение на украинската криза, пренесува МТИ.
