Изминатата недела гледачите на „Нетфликс“ поминале повеќе од 196 милиони часа гледајќи ја серијата за Џефри Дамер, еден од најозлогласените американски сериски убијци.
Серијата насловена Dahmer Monster: The Story of Jeffrey Dahmer е убедливо најгледаната содржина на „Нетфликс“ на глобално ниво.
Еван Питерс го глуми Дамер во серијата, потпишана од Јан Бренан и Рајан Марфи, кој познат по „Американска хорор приказна“.
Приказната за овој сериски убиец е веќе документирана, но „Нетфликс“ со својата серија се обиде да им понуди на гледачите поинаква перспектива. Имено, серијата е фокусирана на неговите жртви, како и на неспособноста на полицијата да го фати со години.
