Портпаролот на рускиот претседател Дмитриј Песков изјави дека рускиот лидер Владимир Путин длабоко жали за загубените животи во престрелката во училиштето во Ижевск.
– Трагична вест од Ижевск, претседателот Путин длабоко жали за смртта на луѓето и децата во училиштето каде се случи терористичкиот акт – рече Песков.
Песков додаде дека нападот го извршило лице кое „се чини дека припаѓа на некоја неофашистичка организација или група“.
Според Истражниот комитет, во училиштето загинале 13 лица, а 21 се повредени. Полициските службеници го пронашле телото на осомничениот во една од просториите на образовната установа.
Мотивите за нападот се уште не се утврдени, пренесе Телеграф.рс.
