Русија најверојатно користела беспилотни летала од Иран за првпат во војната против Украина, објави британското Министерство за одбрана.
Ова следи откако Киев објави дека вчера соборила еден од беспилотните летала „Шахид-136“, пренесува „Ројтерс“.
Британското министерство соопшти дека тоа е оружје за „еднонасочни мисии“ и дека веќе било користено на Блискиот Исток.
Соборувањето на беспилотното летало во близина на линијата на фронтот во Украина сугерира дека Русија го користи оружјето како тактичко оружје, наменето да нанесе ограничени жртви на непријателот, наместо како стратешко оружје, за да ги гаѓа воените објекти подлабоко на територијата на Украина, велат британските разузнавачи.
