Златан Ибрахимовиќ на свој начин му одговори на Звонимир Бобан. Хрватот изјави дека Ибрахимовиќ требало да ја заврши кариерата. Ибрахимовиќ (41) се опоравува од операцијата на коленото. Тој има едногодишен договор со Милан.
Ибрахимовиќ во интервју за „Газета дело Спорт“ му одговори на Звонимир Бобан кој претходно за овој медиум изјави дека Ибрахимовиќ треба да стави крај на кариерата.
„Бобан рекол дека треба да се пензионирам? Кога ќе видам играч посилен од мене, ќе го направам тоа. Но, се уште не сум го нашол”, одговори шведскиот напаѓач на свој карактеристичен начин.
„Ќе се слушне кога ќе се вратам, бидете сигурни. Сега е потребно трпение“, додаде шведскиот напаѓач.
Милан вечерва во Лигата на шампионите ќе го пречека Динамо Загреб.
