Македонија донира тенкови од советската ера на Украина, потврди македонското Министерство за одбрана, од каде што велат дека планираат да ја модернизираат сопствената армија за да ги исполнат стандардите на НАТО.
Од Министерството соопштија дека Владата одлучила одреден дел од овие тенковски капацитети да и бидат донирани на Украина, во согласност со потребите на таа земја.
Оттука не го соопштија бројот на тенкови кои ќе ги донираат, но изјавија дека припаѓаат на т.н. третата генерација, а со оглед на развојот на технологијата, неконкурентни и некомпатибилни.
Од Министерството нформираа дека дополнително во наредниот период би требало да се трошат и ресурси за уништување на тенковите, што според нив е нецелисходна активност за нашата Армија.
На социјалните мрежи денеска се споделува видео на кое може да се види транспорт на тенкови, а се наведува дека е снимено во близина на Крива Паланка.