Денеска на улицата Петре Прличко во Велес полициски службеници од Оперативен тим потраги при СВР Скопје го привеле Р.Б.(32) од Куманово, со живеалиште во Шуто Оризари, Скопје.
Тој бил баран по централна потерница по наредба на Казнено-поправната установа Затвор Идризово за доиздржување затворска казна од четири години и 10 месеци, а бил осуден на 11 години и еден месец. При апсењето тој физички нападнал двајца полициски службеници, по што бил спроведен во Полициската станица Велес за понатамошна постапка. По документирање на случајот тој ќе биде спроведен во казнено-поправната установа за доиздржување на казната.