Времето утре ќе биде сончево и топло со умерена локална облачност и со засилен северозападен ветер, особено во западните делови. Попладне на повеќе места ќе биде нестабилно со пороен дожд, грмежи и засилен ветер, а локално процесите ќе бидат во форма на невреме со засилен до силен ветер и појава на град.
Минималната температура ќе биде во интервал од 13 до 22, а максималната ќе достигне од 29 до 38 степени. УВ=8
Во Скопје претпладне сончево, а од пладневните часови повремено нестабилно и со појава на повремен пороен дожд, грмежи, засилен ветер и услови за појава на краткотрајно невреме. Минималната температура ќе се спушти до 18, а максималната ќе достигне до 34 степени.
Во следните денови ќе се задржи многу топло време, особено во јужните делови од земјата. Нестабилно ќе биде утре и во сабота, а од недела се очекува постепено стабилизирање на времето.
И во делови од Скопската Котлина особено утре и во сабота ќе биде топло и попладне повремено нестабилно со пороен дожд, грмежи, засилен ветер.