Полициски службеници од СВР Битола денеска го лишиле од слобода битолчанецот Т.Ѓ. (62), затоа што околу 5.55 часот утрово во претсобјето од неговата куќа со пиштол пукал и го погодил С.С. (44) од Битола, кој починал на местото.
Според пријавеното, С.С. претходно со употреба на сила влегол во куќата на Т.Ѓ. и со остар предмет се заканувал на ќерката на Т.Ѓ., која била негова поранешна сопруга.
Екипа на итната медицинска помош констатирала смрт, а увид на местото извршиле полицајци од СВР Битола и јавен обвинител, по чија наредба телото на починатиот било дадено на обдукција.
