МВР ги известува граѓаните дека на подрачјето на Скопје, утре, недела (19 септември), во периодот од 18 до 23 часот, поради реализација на манифестацијата „Вело Фиеста“ во организација на Град Скопје, на дел од улицата „Димитрие Чуповски“, на потегот од крстосницата со улицата „Даме Груев“ до крстосницата со улицата „11 Октомври“, сообраќајната полиција ќе преземе мерки за посебен режим на сообраќај, при што моторните возила ќе се пренасочуваат по околните улици.
Ресорното министерство апелира до сите учесници во сообраќајот да ги почитуваат наредбите што ќе ги даваат полициски службеници, со цел безбедно и непречено одвивање на сообраќајот.
