Со една од најпознатите игри League of Legends, заврши Autumn Gaming Month кој го организираше Македонската е-спорт асоцијација.
Во изминатиот гејминг месец се играа шестте дисциплини: Fortnite, Clash Royale, Counter-Strike: Global Offensive, Chess, Dota 2 и League of Legends.
„Искрено им честитаме на добро познатите Reborn eSports што повторно триумфираат на LoL турнир организиран од МЕСА, како и на сите останати што учествуваа. Ви благодариме што нè дружевте во овој период и се надеваме дека уживавте во сите игри што беа во рамки на Autumn Gaming Month“ велат од МЕСА.
Македонската е-спорт асоцијација организираше три настани годинава. Во разговор за „Мета.мк“, претседателот на МЕСА, Константин Пејоски рече дека во период кога е најдобро сите да останат дома, континуирано се рушат рекорди во број на играчи и број на гледачи.
