Владите ширум светот треба да ги преиспитаат националните одговори на Ковид-19 и да ги забрзаат програмите за вакцинација за да се справат со новиот сој омикрон, соопшти во Светската здравствена организација (СЗО).
Глобалното ширење на овој сој сугерира дека тој би можел да има големо влијание врз пандемијата COVID-19 и дојде време да се контролира пред да бидат хоспитализирани повеќе пациенти заразени со омикрон, рече генералниот директор на СЗО, Тедрос Аданом Гебрејесус.
„Ги повикуваме сите земји да го засилат надзорот, тестирањето и секвенционирањето. Секоја бавност ќе чини човечки животи“, рече тој на брифингот со новинарите.
