Се чини дека Рајан Рејнолдс не бил сериозен кога навести дека сака да биде следниот Џејмс Бонд.
Во интервју за „Тајмс“, актерот говореше за својата кариера и за личниот живот, а потоа посочи дека сè уште не е избран наследникот на Даниел Крег.
„Слушам дека бараат нов Бонд,“ се насмеа. „Дали би можеле да прифатите Канаѓанец кој пие џин и тоник наместо мартини? Ако е така, тогаш сум заинтересиран за улогата 007,“ рече актерот.
Но сега тој се огласи на Твитер за да ги извести своите фанови дека се шегувал: „Ве уверувам дека не бев ни оддалеку сериозен“.
Претходно и Двејн Џонсон изјави дека е заинтересиран за култната улога. Но, тој е свесен дека Американец досега не го глумел британскиот таен агент во ниту еден од 25-те филма на серијалот.