Поранешниот француски репрезентативец и дел од славниот тим на Арсенал на крајот на 1990-тите, Емануел Пети вели дека веќе не може да ги оддржи емоциите кон лондонскиот клуб, разочаран од насоката во која се движи.
Пети ја освои Премиер лигата со „топчиите“ во 1998 година, но по петочниот разочарувачки старт на новата лига со 2:0 поразот од Брентфорд вели дека е целосно разочаран.
„Постепено го губам интересот за Арсенал. Со ваков начин на игра веќе не ми предизвикуваат никакви емоции. Последните години разочарувачка е траекторијата на тимот. Почна во последните години на менаџментот на Арсен Венгер и за жал продолжи“, вели Пети, кој играше за Арсенал од 1997 до 2000 година.
> Пети разочаран: Губам интерес за Арсенал, веќе ни емоциите не се тука <
