Педесетгодишна жена од Куманово е пронајдена почината во дворно место на улицата „Средорек“, информираат од полицијата.
Според информациите, настанот бил пријавен вчера во 17:43 часот во СВР Куманово од страна на лекар од Итната медицинска помош. По пријавата, на местото излегла полициска екипа која извршила увид.
Станува збор за Г.Д. (50) од Куманово, а по наредба на надлежен јавен обвинител, телото е предадено на Институтот за судска медицина во Скопје за обдукција, со цел утврдување на причините за смртта.
Надлежните институции продолжуваат со расчистување на случајот.
