Папата Франциско им нареди на кардиналите да ги намалат платите за 10 проценти и им ги намали платите на другите високи свештеници кои работат во Ватикан со цел да се зачуваат работните места на обичните вработени, бидејќи пандемијата на коронавирусот влијаеше на приходите на Римокатоличката црква.
Ватикан денес објави дека папата Франциско издал указ и вовел пропорционално намалување на платите почнувајќи од 1 април, објави Ројтерс.
Портпарол рече дека намалувањето на платите нема да ги засегне и вработените од пониските ешалони.
