Социјалните мрежи се преполни со коментари, повеќето негативни, откако се појави видео на кое се гледа како Кендал Џенер сече краставица.
26-годишната манекенка очигледно не знае да користи нож за да да го исече зеленчукот.
Видеото е извадок од семејното ток-шоу „Кардашијанс“ кое се емитува на мрежата „Хулу“, и не е познато зошто полусестрата на Ким решила да ги демонстрира своите кулинарски невештини пред камерите.
Во најновата епизода, Кендал доаѓа во вилата на својата мајка во Калабасас и сфаќа дека е гладна, па сака да си направи нешто за грицкање. Таа го одбила предлогот на мајка ѝ готвачот да ѝ приготви нешто за јадење и рекла дека може сама да си подготви оброк бидејќи сечењето краставица не е тешко. Како што се испостави, не ѝ било лесно.
Гледајќи ја ќерка си како се мачи, Крис го праша готвачот: „Ќе ѝ го пресечеш ли ова?“ Кендал го одби предлогот.
Видеото предизвика бројни коментари: „Пред еден час ја гледав Кендал Џенер како се обидува да исече краставица. Се чувствувам малку супериорно.“
„Ова е трагично!“
„Опседната сум со обидот на Кендал Џенер да докаже дека не е разгалена богаташка која за малку ќе го изместеше рамото обидувајќи се да исече краставица.“