Тројцата осомничени биле приведени и сослушани во Посебното одделение за сузбивање корупција, каде што, според официјалното соопштение, целосно го признале извршувањето на кривичното дело.
На четвртиот осомничен, М.Ѓ., му е одредено задржување до 48 часа, во кој рок треба да биде изведен пред надлежното обвинителство.
На сите четворица им се става на товар кривичното дело давање и примање поткуп во врска со гласање, согласно член 156 од Кривичниот законик на Србија.
Апсењата следуваат нешто повеќе од една недела по парламентарните избори во Србија, на кои Студентската листа оствари победа над листата предводена од Вучиќ.
Според прелиминарните резултати на Републичката изборна комисија, врз основа на обработени 97,56 проценти од избирачките места, Студентската листа освоила 52,71 процент од гласовите, додека листата на Вучиќ добила 39,17 проценти.
Вишото јавно обвинителство во Нови Сад соопшти дека постапува согласно задолжителното упатство на врховниот јавен обвинител од 20 октомври 2026 година, кое се однесува на постапувањето по пријавени изборни неправилности.
Во следниот период обвинителството ќе продолжи со собирање докази и преземање дополнителни истражни дејствија, по што ќе биде донесена одлука за натамошното кривично гонење.
Засега нема информации дека истрагата е проширена и на функционери на Српската напредна странка или на раководството на изборната листа на Вучиќ.
