Францускиот претседател Емануел Макрон утре ќе отпатува за Бејрут, каде што ќе се сретне со либанските политички функционери.
Макрон разговараше со либанскиот претседател Мишел Аун непосредно по експлозијата во пристаништето во Бејрут, пренесува француското претседателство.
Тој нареди испраќање на француски сили да му помогнат на Либан, со кој Франција има длабоки историски врски, пренесува „Ројтерс“.
Во голема експлозија во пристаништето во Бејрут загинаа околу стотина луѓе и повредени се илјадници.
