Tрадиционално во соработка со град Скопје на 26 јули во 21 часот во Градскиот Парк ќе се одржи концертот „Филхармонија на отворено“.
„Оваа година концертот е посветен на музиката на еден од најзначајните македонски бендови – Архангел во оригинална и автентична оркестрација на Џијан Емин. Публиката ќе има исклучителна можност да ги чуе безвременските песни на овој култен македонски бенд со кој пораснаа многу генерации“,соопштија од Филхармонија.
Оркестрацијата на Емин ги следи авторските компоненти на песните, но, оркестрацијата е целосно авторска и оригинална.
Џијан Емин е диригент на овој концерт, а со оркестарот ќе настапи и фронтменот на Архангел – Ристо Вртев.
Текстот Концерт на Филхармонија и Архангел во Градски парк е превземен од МАКФАКС.
