Минатиот викенд силно невреме ја погоди границата на Италија и Франција.
Невремето предизвика зголемување на нивото на водите, што пак доведе до обилни поплави.
Волонтер пожарникар беше меѓу првите што загинаа во невремето, поради кое повеќе села останаа отсечени од остатокот од земјата.
Обилен дожд паѓаше од петок до сабота, што влијаел врз водостојот на четири реки во областа. Во Франција беше погодена областа околу Ница.
Акциите за расчистување ќе траат со денови, а пожарникарите од Пиемонт објавија фотографии за тоа како изгледа областа откако дождот престанал да паѓа.
Како што објави италијанскиот премиер Џузепе Конте на „Фејсбук“, првото нешто што треба да се направи е да се поврзат отсечените места со остатокот од земјата.
