Утрински Весник
Македонија

Доделени наградите од Меѓународниот фестивал на карикатура и афоризам

Доделени наградите од Меѓународниот фестивал на карикатура и афоризам

Струмица, 19 февруари 2020 (МИА) – Златни плакети за најдобра карикатура и афоризам на 21. Меѓународен фестивал на карикатура и афоризам што се одржува во Струмица, жирито им додели на карикатуристот од Бразил, Ерико Жунгуеира Аурес и афористичарот Нинус Несторовиќ од Србија.

Сребрена плакета за карикатура доби Иваило Цветков од Бугарија, а бронзена Мирослав Георгиевски Миро од Северна Македонија. Наградата на Организацискиот одбор на Струмичкиот карневал ја доби македонскиот карикатурист Блаже Докулевски, а повеќе автори добија дипломи.

Во категоријата афоризам сребрена плакета жирито му додели на Александар Чотриќ од Србија, а бронзена на Валентин Димитров од Бугарија. Награда од Струмичкиот карневал доби македонскиот афористичар Атанас Крлевски, а дипломи им се доделени на тројца афористичари.

На 2 март ќе биде отворена изложбата од годинашниов Меѓународен фестивал на карикатура и афоризам и на авторите ќе им бидат врачени наградите.

Фестивалот традиционално се одржува во рамки на Струмичкиот карневал, кој почнува на 26 овој месец и завршува на 4 март. рт/вг/

Извор: mia.mk

Можете да прочитате

Бесплатни уролошки прегледи по повод Месецот на машкото здравје

Поради метеж на терминалот Блаце, товарниот соовбраќај пренасочен од г.п Блаце кон бензиска „Дизел“

Променливо облачно со повремен дожд