Еротскиот трилер „Длабока вода“, во кој главните улоги ги толкуваат Бен Афлек и Ана де Армас, доби поделени критики пред неговото деби на „Хулу“ на 18 март.
Професионални критичари ја фалат хемијата на поранешната двојка, но се потсмеваат на плиткиот заплет.
Филмот, кој е во режија на англискиот експерт за трилери Адријан Лин, доби пофалби за изведбите на Афлек и де Армас, кои делумно беа снимени додека двајцата беа во врска.
Сепак, некои критичари сметаат дека заплетот е некарактеристично плиток во споредба со големите хитови на режисерот. Други го критикуваат дека ги пропуштил суптилностите на оригиналниот роман, напишан од Патриша Хајсмит („Талентираниот господин Рипли“).
Во позитивна рецензија за британски „Индепендент“, Кларис Лафри му даде на филмот четири од пет ѕвезди и забележа како поранешната врска на Афлек и Де Армас опстанува под површината на филмот како „намотан напон“.
