Скопје, 20 март 2020 (МИА) – За да се заштити здравјето на граѓаните, Град Скопје спроведе акција за дезинфекција на улиците во населеното место Батинци, во близина на депонијата „Дрисла“.
– Во акцијата е употребено специјално комунално возило за оваа намена, а извршено е миење на повеќе улици во населеното место Батинци, како и на главниот пат од крстосницата пред влезот во Драчево до клучката за влезот во депонијата „Дрисла“, соопшти Град Скопје.
Активностите за чистење и дезинфекција на јавните површини во градот се со цел да се подигне нивото на јавната хигиена и да се заштити здравјето на граѓаните од ширењето на коронавирусот. хс/сп/
