Две постари лица примија пoголема доза вакцина на „Фајзер“ отколку што е пропишаната, изјави австралискиот министер за здравство Грег Хант.
88-годишен маж и 94-годишна жена се под лекарски надзор, а лекарот што ја извршил вакцинацијата е отстранет од програмата за вакцинација, рече Хант, пренесе АП.
Грешката се случи во домот за стари лица Холи Спирит во предградието на Бризбејн, Карселдејн, еден ден откако започна вакцинацијата во Австралија, додаде тој.
„Двајцата пациенти се под надзор и не покажуваат знаци на несакани ефекти“, истакна Хант.
Тој не рече колку вакцини им биле дадени повеќе од пропишаната доза.
