Поранешниот специјален пратеник на американскиот претседател за преговорите меѓу Белград и Приштина, Ричард Гренел, оцени дека косовскиот премиер, Албин Курти живее во минатото и е „фашистички премиер“. Гренел ги советува српските лидери да не наседнуваат на тоа.
„ Уште еднаш, радикалниот левичар и искусен фашистички премиер на Косово, Албин Курти, еднострано прави чекор да ги забрани српските регистарски таблички и лични карти на Косово. Тоа е глупаво, несовесно и непотребно. Зошто (советникот за национална безбедност на Белата куќа Џејк Саливан и (државниот секретар на САД) Ентони Блинкен не му кажат да престане со фашистичките методи“, напиша Гренел на Твитер.
Американскиот политичар нагласи дека „тоа што се му случува на Балканот не е Русија“.