Венко Филипче нема одговор на ниту едно прашање кое што ја интересира јавноста, а кои му се поставуваат цел ден, но во едно е сигурен и знае единствено дека нема да поднесе оставка, обвини портпаролот на ВМРО-ДПМНЕ, Димче Арсковски, по пресот кој попладнево го одржа министерот за здравство.
„Oна што првенствено сакаме да го потенцираме во овој момент, уште еднаш кажувам, да го потенцираме, е потребата од неутрална и објективна истрага и лоцирање на целосна одговорност за вчерашната трагедија. За жал, без оставка на Зоран Заев и Венко Филипче кои што можат да влијаат на истрагата нема да биде можна непристрасна и објективна истрага“, нагласи Арсовски.
Според партискиот портпарол, доколку не дадат оставка Зоран Заев и Венко Филипче, тогаш ќе настане апсурдна ситуација во која тие самите ќе ги истражуваат сопствените пропусти.
