Белиот кит кој залута во реката Сена, рано утринава е извлечен од вода и властите работат на негово спасување. Извлекувањето на китот тежок 800 килограми траело шест часа. Како што велат надлежните, неговиот живот е во опасност.
Целосно белиот кит исплива речиси на половина пат до Париз пред локалните власти да ја затворат во голем систем на брана. Сега со камиони се транспортира до крајбрежниот град Уистрем во Нормандија, каде ќе биде ставен во солена вода.
И покрај успехот на првата фаза од спасувачката операција, се уште постојат сомнежи за можностите за преживување на китот, кој во нормална состојба би требало да тежи околу 1.200 килограми.
„ Ветеринарите не се нужно оптимисти за здравјето на белугата“, изјави Изабел Дорлиат-Пузе, генерален секретар на префектурата Еуре, за ТВ БФМ.
„ Тој е ужасно слаб како за белуга, а тоа не е добро за неговиот среднорочен животен век“, рече таа.
Кон крајот на мај, тешко болна орка исплива десетици милји до Сена и почина од природна смрт по неуспешните обиди да ја вратат во морето.
