Лидерот на ДУИ, Али Ахмети го поздрави денешното гласање во парламентот од страна на пратениците. Тој порача дека денеска победи Европска Македонија и прогресивните сили во земјата.
„ Денеска победи соживотот, иднината и надежта, напиша Ахмети на Фејсбук, откако пратениците ги усвоија заклучоците од Информацијата за Предлог-преговарачката рамка со Европската Унија.
Тој им честиташе на граѓаните и на државата.
„ Северна Македонија не е Украина, а Европа не е Русија за да оди на протести лидерот на опозицијата во зелена маичка како лут Зеленски од АлиЕкспрес. И како што беше очекувано, регресивните сили во служба на странските агенди потфрлија и граѓаните не ги поддржаа“ напиша Ахмети.