Леброн Џејмс и Лос Анџелес лејкерс се во преговори за двегодишно продолжување на договорот на „кралот“ вредно 98 милиони долари, тврдат повеќе американски извори.
37-годишниот Џејмс веќе се сретнал со генералниот менаџер Роб Пелинка, откако во 2023 година ќе стане слободен агент ако одбие продолжување со „езерџиите“. Неизвесноста околу новиот договор постојат поради желбата на Леброн да ја помине последната НБА сезона заедно со својот син, Брони Џејмс.
Брони Џејмс е дел од училишниот тим на Сиера Кењон во Лос Анџелес и ќе биде достапен на НБА драфтот дури во 2024 година.
