Претседателот на Атлетико Мадрид, Енрике Серезо изјави дека Португалецот Жоао Феликс повеќе не сака да игра за клубот од Мадрид.
Феликс пристигна во Атлетико во 2019 година од Бенфика за 127 милиони евра, а вториот дел од минатата сезона го мина на позајмица во Челзи.
Португалскиот фудбалер сака да го напушти Атлетико.
„Во целата приказна, едно е јасно како ден. Жоао повеќе не сака да игра во Атлетико“, рече Серезо.
Интерес за Феликс покажа Барселона.
„Дали другите клубови го сакаат Жоао е сосема друга работа. Тој не го сака Атлетико“, истакна Серезо.
Феликс има договор со Атлетико до јуни 2027 година.
