Украинскиот претседател Володимир Зеленски денеска изјави дека разговарал за безбедносната и енергетската соработка со неговиот турски колега Реџеп Таип Ердоган и го уверил дека Киев ќе остане гарант за светската безбедност на храната.
„За време на телефонскиот разговор со претседателот Ердоган, го поздравивме продолжувањето на Договорот за извоз на жито“, напиша Зеленски на Твитер.
Договорот за извоз на земјоделски производи меѓу Украина и Русија, со посредство на Турција и ОН, беше склучен на 22 јули, а вчера беше продолжен за уште 120 дена,пренесе Танјуг.
