Атлетико Мадрид убедливо ја победи Селта со 4:1 и се искачи на четвртата позиција на табелата во Ла Лига со 10 освоени бода. Тимот на Диего Симеоне играше во полн налет, по драматичниот триумф што го оствари и против Порто во Лигата на шампионите.
Анхел Кореа брзо донесе предност, а Родриго де Пол зголеми на 2:0 на почетокот на вториот дел. Јаник Караско беше стрелец на третиот гол. Селта возврати преку Веига, а на крајот си постигнаа автогол за конечни 4:1.
