Поранешниот тренер на актуелниот македонски фудбалски шампион Струга ТЛ, Срѓан Захариевски се враќа покрај езерскиот брег, овојпат како стратег на охридскиот прволигаш Воска Спорт. На дебитантот во елитното натпреаврување Воска Спорт и претстои битка за опстанок, па затоа по поразот во првото пролетно коло а гостувањето кај лидерот Шкупи (3:0), раководството на охриѓани одлучи да ја прекине соработката со црногорскиот стратег Миљан Радовиќ. Захариевски по заминувањето од Струга ТЛ во екот на минатата сезона откако го трасираше шампипонскиот пат со извонредни резултати во есенскиот дел од сезоната е без ангажман, иако неговото име се спонемуваше во повеќе наврати од екипи на домашната сцена, каде ги има предводено Пелистер и Металург. Постигнатиот договор на Захариевски и Воска Спорт деновиве се очекува да биде официјално потврден од охридскиот прволигаш.
Захариевски се враќа крај езерскиот брег
