Утрински Весник
Македонија

Заев молчи, Гаши реагира: Нема ништо мистериозно во средбата со експремиерот, по чиј налог ме следат службите?

Заев молчи, Гаши реагира: Нема ништо мистериозно во средбата со експремиерот, по чиј налог ме следат службите?

Лидерот на Алтернатива, Африм Гаши, ја потврди средбата со експремиерот и експретседател на СДСМ, Зоран Заев. Детали за тоа што се разговорите – нема. „Макфакс“ побара став и од Заев, но тој до моментот на објавување – не одговори на пораките. Гаши пак, обвинува дека фотографијата е направена од службите на СДСМ и ДУИ.

dobivaj vesti na viber

„Како лидер на Алтернатива, имам мандат и должност да се среќавам со сите политички актери во земјата. Така сум работел досега и така ќе работам и во иднина. Следствено, нема ништо посебно и мистериозно во мојата средба со поранешниот премиер Зоран Заев. Јас го разбирам интересот на медиумите за оваа средба, но мислам дека вистинското прашање не е кој, каде и зашто се среќавам, туку зошто, по чиј налог и од каков страв ме следат службите СДСМ-ДУИ?“, прашува Гаши.

„Макфакс“ го праша и Заев за тоа што се разговарало на средбата, но и кога истата се одржала. Тој до моментот на објавување не одговори на прашањата, меѓу кои беше и тоа, дали истата се случила откако Алтернатива излезе од Владата. Меѓу другото, побаравме став и за шпекулациите дека Заев со Гаши ќе ја уриваат Владата во која влезе и Алијансата на Албанците.

Фотографијата протече во јавност утринава. Таа беше објавена на социјалните мрежи. Со неа се критикуваше Гаши и Алтернатива, дека и откако се исфрлени од Владата по ултиматумот од СДСМ, тие седнуваат на маса со владејачката партија.

Можете да прочитате

Патот кон ЕУ гарантира демократски и економски развој, за борбата против корупцијата ни треба и поддршката на САД

Маричиќ: ВМРО-ДПМНЕ и Левица се две страни на еден ист медал и не гледам никаква разлика во нивните ставови

ВМРО-ДПМНЕ ќе понуди визија и сериозна програма, најавува Муцунски