Утрински Весник
Македонија

Заев: Македонски патриотизам е да си го чуваш и негуваш јазикот бидејќи тој е и нашата татковина

438108507 992243232264413 5707415769894930308 N.jpg

Поранешниот премиер Зоран Заев на социјалните мрежи се огласи по повод 5 мај – Денот на македонскиот јазик.

На некои не им се допадна, а многумина се израдуваа бидејќи беа свесни дека со договорите кои ги склучивме со соседите всушност започнавме нова етапа од негувањето, употребата и промоцијата на македонскиот јазик. Имено, историјата веќе сведочи дека Договорот за добрососедство со Бугарија е потпишан и на македонски јазик и од тогашниот бугарски премиер Борисов, а Договорот од Преспа е историски чин на признавање на македонскиот јазик (и на придавката “македонски” во јазична, културна и идентитетска смисла) од страна на официјална Атина. Ова ново поглавје од современата македонска идентитетска промоција подоцна ни донесе и службена употреба на македонскиот јазик во НАТО во рамки на нашето членство во овој глобален безбедносен сојуз, а со отворањето на преговарачкиот процес со ЕУ нашиот јазик веќе добива службена употреба и низ европските институции. Македонски патриотизам значи да си го чуваш и негуваш јазикот бидејќи тој е и нашата татковина, и нашиот идентитет и нашиот најсилен меѓународен промотор. Нека е честит Денот на македонскиот јазик, 5 Мај. Честит Велигден“ стои во објавата на Заев.

Инаку Денот на македонскиот јазик беше воведен токму во време на Владата на Зоран Заев како тогашен премиер.

Можете да прочитате

Од полноќ ново поскапување на дел од горивата

УЖАС: Малолетничка силувана во Скопје

Се зголемуваат случаите со голема кашлица, хоспитализирани нови шест случаи