Во САД минатата недела три деца починале, откако биле оставени во вжештени автомобили.
Трагедиите се случиле во Вашингтон, Тексас и Флорида, пренесуваат американските медиуми. Со ова вкупниот број на починати деца во автомобили, годинава се искачи на шест, што е двојно повеќе од ланскиот број.
Во Хјустон, четиригодишно момче било пронајдено со двегодишно девојче во отклучен паркиран автомобил. Двете деца биле итно пренесени во болница, а лекарите успеале да го спасат девојчето, но не и момчето. На Флорида, 11-месечно бебе починало откако родителите ја оставиле во жежок автомобил додека биле на миса во црква. Бебето било оставено во автомобилот околу три часа. Таа била пренесена во болница каде ѝ била констатирана смрт.
Полицијата ги повикува луѓето да не оставаат деца во паркирани автомобили дури и ако не е особено топло. Можеби надвор е пријатна температура, но во исто време температурата во автомобилот може да биде опасно висока, велат од полицијата.
