Тренерот на Барселона, Чави Ернандез, откри какви се плановите на клубот во летниот преоден рок. Примарна цел е Барселона да најде замена за Серхио Бускетс, кој го напушти клубот. Чави уште еднаш потврди дека клубот бара начин како да го врати Лионел Меси.
Идеална замена за Серхио Бускет, според Чави е Јосуа Кимих„ но прашање е дали Баерн има намера да се откаже од неговите услуги.
„Кимих е врвен играч, тој фантастично ја разбира играта. Потребна ни е најквалитетната замена, си заминува играч кој цела сезона беше во стартниот тим, лидер на оваа Барса која ги освои Ла Лига и Суперкупот. Ни треба играч на високо ниво на оваа позиција, во спротивно ќе ни биде тешко да бидеме конкурентни следната сезона“, призна Чави.
Малку поповолна, но не сосема извесна е ситуацијата околу потенцијалниот ангажман на Јанико Фереира Караско, кој оваа пролет блеска во дресот на Атлетико од Мадрид.
„Имаме клаузула каде што можеме да го донесеме Караско ова лето. Директорот Алемани преговара. Расплетот може да се случи следната недела. Ми се допаѓа Белгиецот, но тоа е се што можам да кажам“.
Тренерот на Барса не крие дека сака двајца фудбалери од Манчестер сити, Илкај Гундоган (му истекува договорот) и Бернардо Силва (има договор до јуни 2025 година), но дека овие трансфери се далеку од реализација.
„Се што можам да кажам е дека сега сите сакаат да дојдат во Барса. Ако имаме шанса да донесеме некого, тогаш ќе направиме се за да му ја исполниме желбата. Се обидовме минатото лето да го донесеме Бернардо. Нормално е дека разни фудбалери сакаат да дојдат во Барса, за нас Португалецот би бил одлично решение, но тешко е да го доведеме, бидејќи е под договор со Сити“.
Чави најавувајќи ги потенцијалните трансфери откри дека Бразилецот Рафиња ќе остане во клубот.
