Синоптичарите информираат дека денеска претпладне ќе има магла или ниска облачност по одделни котлини во земјава. Во текот на денот ќе биде сончево со мала до умерена облачност. Ќе дува слаб променлив ветер.
Минималната температура ќе биде во интервал од 1 до 10, а максималната ќе достигне од 16 до 20 степени.
Во Скопје и во околината сончево со мала до умерена облачност и со слаб ветер од северен правец.
Минималната температура ќе се спушти до 6, а максималната ќе достигне до 17 степени.
До петок времето ќе биде стабилно со утринска магла по одделни котлини. Нови врнежи од дожд се очекуваат во сабота.
