Речиси сите големи малопродажни синџири планираат да затворат продавници низ Србија, што е директен ефект од економските мерки на претседателот Александар Вучиќ за ограничување на маржите. Се очекува отпуштање стотици луѓе, пишува Време.
Синџирот продавници Гомекс веќе затвори три продавници во Нови Пазар, една во Чачак и две во Златибор, дознава Време.
Пред тоа, основачот на компанијата, Горан Ковачевиќ, кој беше познат на медиумите со години како човек кој секогаш го искажуваше своето мислење, ја напушти компанијата. Иако јавно беше објавено дека Ковачевиќ поднесе оставка, тој всушност си замина под притисок бидејќи не се согласуваше со моменталната економска политика на државата и јавно коментираше за неа, велат извори за весникот.
Гомекс ќе мора да продолжи со намалување на трошоците, па до ноември ќе затвори вкупно 15 продавници, од кои повеќето се во Крагуевац, Нови Пазар, Смедеревска Паланка… Катанец ќе биде ставен и на една продавница во Белград.
Слична стратегија, според неофицијални информации има и од ДИС, кој ја затвора продавницата во центарот на Белград и уште два објекта во други градски општини.
Меркатор ќе затвори десетици објекти до крајот на годината и со тоа ќе отпушти или премести голем број вработени, додека Делез планира да стави катанец на десет свои продавници, наведува Време.
