Машинскиот извршен персонал во железницата од денеска од 13 часот стапи во бојкот. Вработените се на работа, но не ги извршуваат своите обврски, што доведе до прекин на патничкиот сообраќај.
Од Синдикатот на машиновозачи велат дека бојкотот може да трае додека менаџментот не ги прифати нивните барања, кои вклучуваат исплата на прекувремени часови, бонуси, покачување на коефициентот и дополнителна надокнада за вонредни повици.
