Нешто пред 13 часот денеска се случи напад во училиште за возрасни во централна Шведска.
Пукањето се случило во Оребро, 200 километри западно од Стокхолм. Полицијата на прес-конференција соопшти дека „околу 10 лица се убиени“ и дека тоа е се што може да каже сега. Меѓу загинатите е и самиот напаѓач.
Тие ја отфрлија можноста за тероризам како мотив за нападот и нагласија дека веруваат дека напаѓачот дејствувал сам.
Полицијата: Загинаа околу 10 лица. Меѓу убиените е и напаѓачот
На втората прес-конференција денеска, полицијата соопшти дека „десетина лица се убиени“ во пукање во училиштето за возрасни „Кампус Рисбергска“. Се работи на нивно идентификување.
Загинал и напаѓачот, додаваат тие. На прашањето на новинарите дали напаѓачот се самоубил, началникот на локалната полиција во Оребро рече дека нема информации за тоа.
Полицијата соопшти дека 35-годишниот напаѓач не и е познат на полицијата и дејствувал сам, иако не е исклучено да имал помагачи.
Мотивот за овој страшен настан е непознат, според директорот на градската полиција Роберто Еид Форест, но се чини дека не станува збор за тероризам или организиран криминал.
Неколку шведски медиуми јавуваат дека 11 лица загинале, а неколку други се повредени. Претходно беше соопштено дека во Универзитетската болница се згрижени шестмина повредени.
